اسلام ٹائمز۔ غزہ میں اسرائیلی مظالم کے خلاف امریکی جامعات میں جاری احتجاج پر امریکی صدر جوبائیڈن کا کہنا ہے کہ کالج کیمپس مظاہروں میں آزادی اظہار اور قانون کی حکمرانی برقرار رہنی چاہیئے۔ بائیڈن کا مزید کہنا ہے کہ جامعات میں احتجاج سے مشرق وسطیٰ میں اپنی پالیسیوں پر نظرثانی کے لیے مجبور نہیں ہوئے۔ مظاہروں میں اظہار رائے کی آزادی اور قانون کی بالادستی کا احترام ہونا چاہیئے، ہم آمرانہ قوم نہیں، جہاں لوگوں کو خاموش کرایا جائے اور اختلاف کو دبایا جائے۔ انکا کہنا تھا کہ ہمارا لاقانونیت والا ملک بھی نہیں ہے، ہم سول سوسائٹی ہیں، جہاں حکم غالب ہونا چاہیئے۔ امریکی صدر نے مزید کہا کہ ہم جامعات کے احتجاج سے مشرق وسطیٰ میں اپنی پالیسیوں پر نظرثانی کے لیے مجبور نہیں ہوئے ہیں۔