الیکشن اکتوبر میں، حق ملکیت کا ایک ماہ کے اندر پاس ہوگا، امجد حسین ایڈووکیٹ

اسلام ٹائمز۔ پیپلز پارٹی گلگت بلتستان کے صوبائی صدر امجد حسین ایڈووکیٹ نے کہا ہے کہ ایک ماہ کے اندر حق ملکیت کا قانون پاس ہو جائے گا، کوشش کر رہے ہیں کہ اس ماہ یا اگلے ماہ عوام کو حق ملکیت دے سکیں۔ انہوں نے کہا کہ اس سارے عمل میں تمام اتحادی جماعتیں شامل ہے اپوزیشن کا بھی اور اسٹیبلشمنٹ ریاست بیوروکریسی کی مشاورت بھی اس میں شامل ہے۔ سکردو میں پریس کانفرنس کرتے ہوئے پیپلز پارٹی گلگت بلتستان کے صدر امجد حسین ایڈوکیٹ نے کہا کہ حق ملکیت بل کے ڈاکومنٹس تیار ہو چکا ہے جسے جلد اسمبلی میں پیش کیا جائے گا، اس حوالے سے وزیر اعلیٰ کا بھرپور تعاون شامل رہا، کچھ دنوں میں ہی عوام کو خوشخبری دینگے۔